top of page

 СЛУЖБА
СВЯЩЕННОМУЧЕНИКУ ПАВЛУ,
ПРЕСВИТЕРУ НИКОЛОПОКРОВСКОМУ МОСКОВСКОМУ



НА ВЕЛИЦЕЙ ВЕЧЕРНИ



На Господи, воззвах:  стихиры, глас 5:



ПРИИДИТЕ ВОЗРАДУЕМСЯ ГОСПОДЕВИ,/ СВЯЩЕННОМУЧЕНИКА ПАВЛА ПАМЯТЬ СВЕТЛО ПРАЗДНУЮЩЕ:/ НАСТАВЛЯЕТ БО ТОЙ НАС СЛОВЕСЫ И ДЕЛЫ СВОИМИ,/ КАКО ДОБРОДЕТЕЛЬНЕ ВО ХРИСТЕ ЖИТИ,/ И СКОРБИ СО УПОВАНИЕМ НА ГОСПОДА ТЕРПЕТИ,/ И СМЕРТИ НЕ СТРАШИТИСЯ ТЕЛЕСНЫЯ,/ НО ВЕРНЫ ДО ПОСЛЕДНЯГО ИЗДЫХАНИЯ БЫТИ СПАСУ ХРИСТУ/ И ЖИЗНИ ВЕНЕЦ УЛУЧИТИ.// МОЛИТВАМИ ДОСТОБЛАЖЕННАГО ПАВЛА, БОЖЕ, ПОМИЛУЙ НАС.

СТОЛП ВЕРЫ/ И ИСТИННЫЙ РЕВНИТЕЛЬ ОТЕЧЕСКИХ ПРЕДАНИЙ/ БЫЛ ЕСИ В ЖИТИИ ТВОЕМ, МУЧЕНИЧЕ ПАВЛЕ,/ ГОНЕНИЯ МНОГИЯ ОТ БЕЗБОЖНЫХ ПРЕТЕРПЕЛ ЕСИ,/ И НАС, ВЕРНО ЧТУЩИХ ПАМЯТЬ ТВОЮ, В ВЕРЕ УТВЕРДИ// КО СПАСЕНИЮ ДУШ НАШИХ.

 


Премудрости Соломонова чтение (глава 4):



ПРАВЕДНИК, АЩЕ ПОСТИГНЕТ СКОНЧАТИСЯ, В ПОКОИ БУДЕТ./ СТАРОСТЬ БО ЧЕСТНА НЕ МНОГОЛЕТНА, НИЖЕ В ЧИСЛЕ ЛЕТ ИСЧИТАЕТСЯ./ СЕДИНА ЖЕ ЕСТЬ МУДРОСТЬ ЧЕЛОВЕКОМ, И ВОЗРАСТ СТАРОСТИ ЖИТИЕ НЕСКВЕРНОЕ./ БЛАГОУГОДЕН БОГОВИ БЫВ, ВОЗЛЮБЛЕН БЫСТЬ, И ЖИВЫЙ ПОСРЕДЕ ГРЕШНИК ПРЕДСТАВЛЕН БЫСТЬ./ ВОСХИЩЕН БЫСТЬ, ДА НЕ ЗЛОБА ИЗМЕНИТ РАЗУМА ЕГО, ИЛИ ЛЕСТЬ ПРЕЛЬСТИТ ДУШУ ЕГО./ РАЧЕНИЕ БО ЗЛОБЫ ПОМРАЧАЕТ ДОБРАЯ, И ПАРЕНИЕ ПОХОТИ ПРЕМЕНЯЕТ УМ НЕЗЛОБИВ./ СКОНЧАВСЯ ВМАЛЕ, ИСПОЛНИ ЛЕТА ДОЛГА. УГОДНА БО БЕ ГОСПОДЕВИ ДУША ЕГО, СЕГО РАДИ ПОТЩАСЯ ОТ СРЕДЫ ЛУКАВСТВИЯ./ ЛЮДИЕ ЖЕ ВИДЕВШЕ И НЕ РАЗУМЕВШЕ, НИЖЕ ПОЛОЖШЕ В ПОМЫШЛЕНИИ ТАКОВОЕ./ ЯКО БЛАГОДАТЬ И МИЛОСТЬ В ПРЕПОДОБНЫХ ЕГО, И ПОСЕЩЕНИЕ ВО ИЗБРАННЫХ ЕГО.

 


На литии стихира, глас 2.  



УЧИТЕЛЬ БЫЛ ЕСИ/ И СЛУЖИТЕЛЬ ХРИСТОВ, МУЧЕНИЧЕ ПАВЛЕ,/ И ТОГО БОЖЕСТВЕННЫХ СТРАСТЕЙ// СООБЩНИК И ПРИЧАСТНИК.

 


На стиховне стихира, глас 4.


ЗЕМЛЯ АСТРАХАНСКАЯ ПРОСЛАВИСЯ,/ ЯКО В МАЛЕМ СЕЛЕНИИ/ ОТ СВЯЩЕННИЧЕСКАГО КОРЕНЕ ПЛОД БЛАГОКРАСЕН ПРОЗЯБЕ,/ ПАВЕЛ, ОТРОЧА БЛАГОНРАВНОЕ,/ ПОСЛУШЛИВОМУ ПОДВИЖНИКУ ТЕЗОИМЕНИТОЕ./ В СЕМ ЖЕ ИМЕНИ,// ПУТЬ ПОСЛУШАНИЯ ЦЕРКОВНОГО ЕМУ ПРЕДНАРЕЧЕСЯ.


Тропарь, глас 4:


НОВОМУЧЕНИКОВ  РОССИЙСКИХ ЛИК/ СВЕТЛО ОБОГАТИЛ ЕСИ, БОГОБЛАЖЕННЕ ПАВЛЕ,/ ПАСТЫРСКИМИ УКРАШЕН ДОБРОТАМИ,/ ОБАГРИЛ КРОВИЮ СВЯЩЕННАГО СТРАДАНИЯ ТВОЕГО ОДЕЯНИЕ,/  ЗА ВЕРУ ПОСТРАДАЛ ЕСИ ДАЖЕ ДО СМЕРТИ,/ СЕГО РАДИ МОЛИ ХРИСТА БОГА// СПАСТИСЯ ДУШАМ НАШИМ.
 


НА УТРЕНИ
 
Канон


Песнь 1


ИЗМЛАДА ЦЕРКОВЬ БОЖИЮ ВОЗЛЮБИВ/ И БЛАГОЧЕСТИЯ ВОЖДЕЛЕВ, СВЯТЕ,/ В ДУХОВНЕМ ВЕРТОГРАДЕ/ ВО СЛОВЕ БОЖИИ,/ ОТЕЧЕСКИХ И БЛАГОЧЕСТИВЫХ ПИСАНИИХ// НАЧАТ ПОУЧАТИСЯ. 


Песнь 3


БОГ ТЯ ВОЗВЕЛИЧИ, СВЯЩЕННОМУЧЕНИЧЕ ПАВЛЕ,/ ПРЕСВИТЕРА ЦЕРКВЕ СВОЕЯ ВО ГРАДЕ КАЗАНИ ПОСТАВИВ,/ ТЫ ЖЕ, ЖРЕБИЙ СЛУЖЕНИЯ СЕГО СО СМИРЕНИЕМ ПРИЕМ// СЛЕПЫХ ОЧАМИ, НО НЕ СЕРДЦЕМ К ПРОСЛАВЛЕНИЮ ТРОИЦЫ ЕДИНОСУЩНЫЯ ПРИЗВАЛ ЕСИ.

Седален:

Песнь 4


ЯКОЖЕ СВЕЩА НА СВЕЩНИЦЕ,/ ТАКО ТЫ, СВЯЩЕННОМУЧЕНИЧЕ,/ УПРАВЛЕН БЫСТЬ ОТ ГОСПОДА В СТАНИЦУ КАЗАЦКУЮ,/ ДА СВЕТОМ ХРИСТОВА УЧЕНИЯ// ОСИЯВАЕШИ ЛЮДИ В НЕЙ ЖИВУЩИЯ.


Песнь 5


ГОСПОДЬ БЛАГОСЛОВИ И ОСВЯТИ ТЯ, ПЕРВОПРЕСТОЛЬНЕ ГРАДЕ,/ ПРАВОСЛАВНЫМ БО ЛЮДЯМ ТВОИМ, ВО ОГРАДЕ ЦЕРКОВНЕЙ СУЩИМ,/ ЛИК МНОГ СВЯТЫХ ДАДЕСЯ,/ В НЕМЖЕ ПАВЕЛ, СВЯЩЕННОМУЧЕНИК// ЗА ПАСТВУ СВОЮ ХРИСТУ ПРЕДСТОИТ О НАС МОЛЯСЯ.


Песнь 6


НОВОМУЧЕНИЦЫ ЗЕМЛИ МОСКОВСКИЯ,/ СРЕТАЙТЕ ПРЕСВИТЕРА ДОБРА, ПАВЛА ПРЕСЛАВНАГО, /ТОЙ БО, ЯКО ЖЕ И ВЫ, МНОГИЯ БОЛЕЗНИ, ГОНЕНИЯ И САМУЮ СМЕРТЬ ЗДЕ ПРЕТЕРПЕ/ И НЫНЕ ТЩИТСЯ ВКУПЕ С ВАМИ МОЛИТИСЯ ХРИСТУ БОГУ// СПАСТИСЯ ДУШАМ НАШИМ.


Кондак, глас 3.


ВО  СВЯЩЕННИЦЕХ БЛАГОЧЕСТНО ПОЖИВ/ И МУЧЕНИЯ ПУТЬ СКОНЧАВ,/ НЫНЕ БЕЗПЛОТНОМУ ЛИКУ СВЯТЫХ АНГЕЛ И АРХАНГЕЛ/ СОВСЕЛЬНИК  ЯВИЛСЯ ЕСИ,/ С НИМИ ХРИСТУ БОГУ МОЛЯСЯ НЕ ПРЕСТАЙ О ВСЕХ НАС,// СВЯЩЕННОМУЧЕНИЧЕ  ПАВЛЕ.


Икос


ЯКО  ВОЛНАМИ  ВОД МНОГИХ, ОБУРЕВАЕТСЯ ЦЕРКОВЬ ПРАВОСЛАВНАЯ,/ КОЛЕБЛЕМА ЛОЖНЫМИ УЧЕНИИ И ЗЛОБНЫМИ ГОНЕНИИ ВРАГ ЕЯ./ ВЕРУЕМ И УПОВАЕМ КУПНО С ТОБОЮ, МУЧЕНИЧЕ ПАВЛЕ,/ ЯКО ВРАТА АДА НЕ ОДОЛЕЮТ ЕЙ, И МОЛИМ ТЯ:/ ИСПРОСИ У ГОСПОДА// ДА НИСПОСЛЕТ НАМ В ДНИ ИСПЫТАНИЙ НАШИХ КРЕПОСТЬ ДУХА И ТВЕРДОЕ СТОЯНИЕ ВО ИСТИНЕ ПРАВОСЛАВИЯ.


Песнь 7


ДРЕВНИЙ ХРАМ ПОКРОВА БОЖИЕЙ МАТЕРИ ВОТЧИНЫ ЦАРСКОЙ ПРОСЛАВИСЯ ПРИШЕСТВИЕМ ТВОИМ, СВЯТЕ,/ ИНОКИНИ ЖЕ РАЗОРЕННОЙ ОБИТЕЛИ КРЕМЛЕВСКОЙ И МИРЯНЕ БЛАГОЧЕСТИВИИ, В НЕМ СУЩИИ,/ ЯКО СВЕТИЛЬНИКА ВЕРЫ И БЛАГОЧЕСТИЯ ТЯ ПРИЯША/ И ПОД ЧЕСТНЫЙ ОМОФОР НЕБЕСИ И ЗЕМЛИ ЦАРИЦЫ ПРИБЕГАЮЩЕ,/ ГОСПОДУ ВОПИЮЩЕ:// БЛАГОСЛОВЕН ЕСИ, БОЖЕ ОТЕЦ НАШИХ.


Песнь 8


ЖЕЗЛ НАСТОЯТЕЛЬСТВА НИКОЛЬСКАГО ХРАМА ИЗ РУК  СВЯЩЕННОМУЧЕНИКА СЕРГИЯ И ИНЫХ ПРЕСВИТЕРОВ ЦЕРКОВНЫХ ДЕРЗНОВЕННО ПРИЯЛ ЕСИ, СВЯТЕ,/ ИДЕЖЕ ЯКО ДОБРЫЙ ПАСТЫРЬ, ДАЖЕ ДО ПРЕГОРЬКАГО ЕГО ОСКВЕРНЕНИЯ НЕБОЯЗНЕННО В ПОДВИЗЕ ТВОЕМ ШЕСТВУЯ,// К ПОКАЯНИЮ ПРИЗЫВАЛ ЕСИ,// НАУЧАЯ ПРЕВОЗНОСИТИ ХРИСТА ВО ВЕКИ.

 


Песнь 9


БЛАГОДАРЕНИЕ ХРИСТУ ЖИЗНОДАВЦУ/  ВОЗДАДИТЕ, ЧАДА БОЖИИ В ПРИХОДЕ РОЖДЕСТВА ЕГО ОБРЕТАЮЩИЕСЯ,/  ТОЙ БО ЯВИЛ МИЛОСТЬ СВОЮ ВАМ,/ ПАВЛА СВЯЩЕННОМУЧЕНИКА/ НАСТОЯТЕЛЯ ХРАМА ВАШЕГО ПОСТАВИ,/ ДА ВО ДНИ ИСПЫТАНИЙ/ ОБРЯЩЕТЕ В НЕМ ОБРАЗ ВЕРЫ,/ ОТ НАВЕТОВ ВРАЖИИХ НЕКОЛЕБЛЕМЫЙ,/ НЕЛОЖНАГО УПОВАНИЯ НА ПОМОЩЬ БОЖИЮ ИСПОЛНЕННЫЙ.


Светилен, глас   :


ЯКОЖЕ ПЛОД КРАСНЫЙ СПАСИТЕЛЬНАГО СЕЯНИЯ БОЖИЯ/  ЯВИЛСЯ ЕСИ В ЦЕРКВИ, ПАСТЫРЮ ХРИСТОВ,/  РОДИТЕЛЕЙ БЛАГОЧЕСТИВЫХ, ИЕРЕЯ ГЕОРГИЯ И ВЕРЫ, БЫВ ОТРАСЛЬ ПРЕДИВНАЯ/ ТЕМЖЕ И НЫНЕ СВОЯ ОВЦЫ ГЛАШАЯ ПО ИМЕНИ,// ВО ОГРАДЕ ЦЕРКОВНЕЙ ТЫЯ НЕВРИДИМО СОБЛЮДИ.

 


На хвалитех стихира, глас 2:


 
ПРИИДИТЕ, ВЕРНИИ,/  СОГЛАСНО ВСИ ВОСХВАЛИМ ПРЕСВИТЕРА БОГОМУДРАГО,/  ПАВЛА МУЧЕНИКА И ИСПОВЕДНИКА ПРЕДИВНАГО,/  ИЖЕ В ЖИТИИ СВОЕМ ИГО ХРИСТОВО/ ДАЖЕ ДО СМЕРТИ ОТ БЕЗБОЖНЫХ ПОНЕСЕ/ И НЫНЕ ВО ОБИТЕЛЯХ ОТЦА НЕБЕСНАГО// МОЛИТСЯ О СПАСЕНИИ ДУШ НАШИХ.

 


Молитва


О ПАСТЫРЮ НАШ ПРЕДОБРЫЙ, СВЯТЫЙ СВЯЩЕННОМУЧИНИЧЕ ПАВЛЕ! ВОЗЗРИ НА НАС НЕДОСТОЙНЫХ ЧАД ТВОИХ, ИХЖЕ БОГОУГОДНЫМИ ТРУДЫ И МОЛИТВЕННЫМИ ПОДВИГИ ДУХОВНО ПОРОДИЛ ЕСИ У СВЯТЫНЬ СЕГО ДРЕВНЕГО НИКОЛЬСКОГО ХРАМА.  
В ДЕНЬ СЛАВНАГО ТВОЕГО ТОРЖЕСТВА СМИРЕННО К ТЕБЕ ПРИПАДАЕМ И УСЕРДНО ПРОСИМ: ТЫ В ЖИТИИ СВОЕМ БЛАГОЧЕСТИЕ СТЯЖАВ, СТРАДАНИЕМ, КРОВИЮ И СМЕРТИЮ ВЕРНОСТЬ ХРИСТУ И ЦЕРКВИ ЕГО ЗАСВИДЕТЕЛЬСТВОВАЛ ЕСИ, МОЛИТВОЮ СВОЕЮ УКРЕПИ НАС, МАЛОДУШНЫХ, ВЕРУ ПРАВОСЛАВНУЮ НЕЗЫБЛЕМУ СОБЛЮСТИ, НЕОСЛАБНОЕ ТЕРПЕНИЕ ДАЖЕ ДО КОНЦА ЖИТИЯ НАШЕГО ИМЕТИ И В ПОКАЯНИИ ГРЕХОВ ОТПУЩЕНИЕ ПОЛУЧИТИ.
НАИПАЧЕ ЖЕ МОЛИ ГОСПОДА СИЛ, ДА УТВЕРДИТ ЦЕРКОВЬ, СВЯТУЮ И ПРАВОСЛАВНУЮ, АКИ  СТОЛП ИСТИНЫ ДО СКОНЧАНИЯ ВЕКА, ДЕРЖАВУ РОССИЙСКУЮ ТИШИНОЮ И БЛАГОДЕНСТВИЕМ ОГРАДИТ, ХРАМУ НАШЕМУ ПАСТЫРЕЙ ИСТИННЫХ, ДОБРЫХ ДЕЛАТЕЛЕЙ, ПРАВО ПРАВЯЩИХ СЛОВО ЕВАНГЕЛЬСКИЯ ИСТИНЫ ДАРУЕТ, НАС ЖЕ ВСЕХ ПРОСЛАВЯЮЩИХ ДИВНАГО ВО СВЯТЫХ СВОИХ В ТРОИЦЕ СЛАВИМАГО БОГА СПАСЕТ И ПОМИЛУЕТ ВО ВЕКИ ВЕКОВ.
АМИНЬ.

 

bottom of page